Þingmenn öldungadeildar Bandaríkjaþings hafa gefið loforð um að þeir muni greiða leið Finnlands inn í Atlantshafsbandalagið (NATO) eftir að bæði forseti Finnlands og forsætisráðherra sögðu í dag að Finnar þyrftu að sækja um inngöngu í bandalagið án tafar. AFP-fréttastofan greinir frá.

Öldungadeildin þarf að samþykkja samninga og veita samþykki fyrir öllum nýjum aðildarríkjum NATO.

Frétt af mbl.is

Finnar þurfi að sækja um aðild að NATO án tafar

Öldungadeildarþingmaðurinn Bob Menendez, formaður utanríkisnefndar þingsins, sagði að nú þegar væri hafin vinna við að greiða leið bæði fyrir Finna og Svía inn í bandalagið, sæki löndin um aðild.

Jim Risch sem einnig situr í nefndinni sagði yfirlýsingu finnskra yfirvalda stórt skref í átt að sameiginlegu öryggi þvert yfir Atlantshafið.

„Sú ákvörðun að taka skref í átt að aðild að NATO er alvöru og ég ítreka stuðning minn við Finna í þessu ferli,“ skrifaði Risch á Twitter.

Tengdar fréttir

Úkraína

Munu hefja fjöldaframleiðslu á eldflaugunum

• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn

» Fleiri tengdar fréttir

• 1 blogg um fréttina

Bloggað um fréttina

• Theódór Norðkvist: Finnar flengja harðstjórann