„Staðan í austri er sérstaklega erfið vegna þess að örlög landsins ráðast mögulega þar í þessum töluðu orðum,“ sagði Oleksandr Morusjanik, talsmaður varnarmálaráðuneytis Úkraínu, við Reuters. 

Rússneskar hersveitir hafa að undanförnu einbeitt sér sérstaklega að Donbas-svæðinu í suðausturhluta Úkraínu. Nú vinna þær að því að ná á vald sitt héruðunum Dónetsk og Lúhansk sem eru í Donbas en þar halda aðskilnaðarsinnar til.

Þær hafa þegar tekið völdin í þremur bæjum í Dónetsk, þar á meðal í bænum Svitlodarsk, að sögn svæðisstjórans Pavlo Kyrylenko.

Nálgast borgirnar úr þremur ólíkum áttum 

Þá stefna hersveitirnar sömuleiðis á að umkringja úkraínska hermenn í nágrannaborgunum Sievierodónetsk og Lísisjansk sem liggja sitt hvoru megin við Dónets-ána. Hersveitirnar nálgast borgirnar nú úr þremur ólíkum áttum. 

Motusjanik segir að rússneskar hersveitir hafi ekki gefist upp á því að reyna að komast yfir ána.

Tengdar fréttir

Úkraína

Munu hefja fjöldaframleiðslu á eldflaugunum

• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn
• Rússar sagðir útvega N-Kóreu milljón olíutunnur

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Enn og aftur er orrustan um Cannae skólabókardæmi í fullu …