Diana Ross og George Ezra verða aðalnúmerin á stjörnu prýddum tónleikum við Buckinghamhöll í kvöld, í tilefni 70 ára krýningarafmælis Elísabetar Englandsdrottningar. Andrea Bocelli, Alicia Keys og Adam Lambert verða einnig meðal þeirra sem troða upp. BBC greinir frá.

Frétt af mbl.is

Fjögurra daga hátíðarhöld hófust með skrúðgöngu

Þá munu bæði Karl Bretaprins og Vilhjálmur prins, sonur hans, flytja ræður á viðburðinum og heiðra drottninguna. En meðlimir konungsfjölskyldunnar munu taka þátt í hátíðahöldum vegna krýningarafmælisins víða í dag, meðal annars í Cardiff og Belfast.

Gert ráð fyrir 22 þúsund gestum

Ekki er gert ráð fyrir því að Elísabet drottning verði sjálf viðstödd tónleikana í kvöld en hún hefur glímt við skerta hreyfigetu síðustu mánuði. Viðburðahöldurum hafði verið greint frá því fyrirfram að drottningin yrði að velja á milli þeirra viðburða sem hún myndi sækja.

Frétt af mbl.is

16 ára gömul tík fær konunglega meðferð

Hún gat til að mynda ekki sótt neina viðburði í gær eftir að hafa upplifað vanlíðan á fimmtudag. Í dag treysti hún sér ekki heldur til að mæta á Derby kappreiðarnar í Epsom, en hún fylgist í staðinn með þeim í sjónvarpinu, að kom fram í tilkynningu.

Gert er ráð fyrir um 22 þúsund gestum á tónleikana í kvöld en þeir verða í beinni útsendingu á BBC One og því er líklegt að að milljónir til viðbótar njóti skemmtunarinnar.

Tengdar fréttir

Kóngafólk

Katrín prinsessa laumaðist á fund í Windsor-kastala

• Sonur Mette-Marit grunaður um nauðgun
• Bresku konungshjónin syrgja góðan vin
• Brutust inn í bóndabæ á landareign bresku konungsfjölskyldunnar
• Meghan lét Harry selja dýrgripi

» Fleiri tengdar fréttir

• 1 blogg um fréttina

Bloggað um fréttina

• Hallmundur Kristinsson: Fjarri góðu gamni