ESB telur Dani þurfa setja sér nýjar reglur

Danir þurfa að setja sér nýjar reglur til að koma í veg fyrir að stjórnmálamenn geti farið beint úr störfum sínum í ráðuneytum í störf fyrir hagsmunafélög og þrýstihópa. Þetta kemur fram í árlegri skýrslu Evrópusambandsins (ESB).

Ríkisútvarpið greinir frá.

Stjórninni þykir óæskilegt að ráðherrar geti hafið störf fyrir hagsmunasamtök og þrýstihópa án nokkurs biðtíma þar sem það kunni að skapa hagmunaárekstur. Þá sé einnig hætta á að ráðherrar nýti leynilegar upplýsingar í hinu nýja starfi.

Tveir fyrrverandi dómsmálaráðherrar Danmerkur, þau Nick Hækkerup og Karen Hækkerup, sögðu einmitt bæði af sér embætti til að sinna störfum fyrir hagsmunasamtök.

• 1 blogg um fréttina

Bloggað um fréttina

• Ingólfur Sigurðsson: Fleiri ESB reglur fyrir Dani.