Volodimír Selenskí Úkraínuforseti er kominn til Bandaríkjanna. Hyggst hann hitta Joe Biden Bandaríkjaforseta í höfuðborginni Washington í dag og ávarpa Bandaríkjaþing. 

Liðnir eru 300 dagar í dag frá því að innrás Pútíns í Úkraínu hófst.

Í Hvíta hús­inu mun Biden kynna nýj­an vopnapakka fyr­ir Úkraínu­menn, að and­virði næst­um tveggja millj­arða banda­ríkja­dala, eða um 286 millj­arða ís­lenskra króna. Loft­varnar­kerfi með svo­kölluðum Pat­riot-flug­skeyt­um er þar á meðal.

Vladimír Pútín Rússlandsforseti mun einnig í dag hitta æðstu menn rússneska hersins til þess að meta stöðuna vegna stríðsins í Úkraínu og leggja línurnar fyrir næsta ár.