Olaf Scholz, kanslari Þýskalands, hefur útilokað að senda orrustuþotur til Úkraínu, nokkrum dögum eftir að hafa skuldbundið ríkið til að útvega skriðdreka.

Yfirvöld í Bandaríkjunum sögðust á fimmtudag ætla að ræða hugmyndina um að útvega þotur „mjög varlega“ við Úkraínumenn, sem hafa kallað eftir sendingu orrustuþota frá Vesturlöndum, að því er BBC greinir frá.

Scholz sagði í dag að áhersla væri lögð á afhendingu fjórtán þýskra skriðdreka af tegundinni Leopard 2, sem hann samþykkti á miðvikudag að senda til Úkraínu, auk þess að veita öðrum Evrópuþjóðum heimild til að senda slíka skriðdreka úr eigin birgðageymslum.

Frétt af mbl.is

Grænt ljós frá Þjóðverjum

Ræðir reglulega við Pútín

Scholz ítrekaði að NATO væri ekki í stríði við Rússland. „Við munum ekki leyfa slíka stigmögnun.“

Þá staðfesti kanslarinn að hann ætti reglulega í samræðum við Vladimír Pútín Rússlandsforseta, en þeir ræddu síðast í síma í desember.

„Við þurfum að tala saman,“ sagði hann og bætti við að hann tæki alltaf fram að innrás Rússa í Úkraínu væri algjörlega óviðunandi og að aðeins brottflutningur rússneskra hersveita myndi leysa ástandið.

Tengdar fréttir

Úkraína

Úkraína geti tapað stríðinu með skyndilausnum

• Selenskí: N-Kórea heyir stríð í Evrópu
• Vonast til að glíma við Rússa og N-Kóreu með Trump
• Gerðu umfangsmikla drónaárás á Kænugarð
• Viðræður komi í veg fyrir „eyðileggingu“ Úkraínu

» Fleiri tengdar fréttir

• 1 blogg um fréttina

Bloggað um fréttina

• Gunnar Rögnvaldsson: Skapanorn fræðimanna og sköp hennar