Óskar eftir orrustuþotum frá Evrópuþjóðum
Setja bókamerki
Volodimír Selenskí, forseti Úkraínu, hefur óskað eftir að Frakkland og Þýskaland leggi landi sínu í té orrustuþotur. Þetta kom fram á fundi þjóðarleiðtoga landanna þriggja í gær.
Kanslari Þýskalands, Olaf Scholz, og forseti Frakklands, Emmanuel Macron, hétu áframhaldandi stuðningi við Úkraínu í stríði við Rússland.
Mun Selenskí leggja fram frekari óskir um orrustuþotur á fundum sínum með öðrum leiðtogum Evrópuþjóða í Brussel í dag.
Segir hann að orrustuþotur muni gegna stóru hlutverki í vörnum landsins auk langdrægra eldflauga og Leopard 2-skriðdreka.
Selenskí ávarpaði sameiginlegan blaðamannafund eftir fund þjóðarleiðtoganna þriggja í gærkvöldi og sagði að Frakkland og Þýskaland gætu breytt gangi stríðsins með auknum framlögum í formi skriðdreka, orrustuþotna og eldflauga.
Biden ávarpar Bandaríkjamenn eftir sigur Trumps
Kannanir nákvæmari en fyrir fjórum árum
Með réttarstöðu sakbornings við rannsókn banaslyss
Jón Ingi heimsmethafi í mynsturstökki
Evrópuumræðu laumað á dagskrá
Ekkert ferðaveður á Vestfjörðum og á Norðurlandi
„Það var ekki dæmt löglegt að mismuna börnum“