Dauðsföll rússneskra hermanna í þessum mánuði hafa aldrei verið fleiri síðan í fyrstu viku innrásarinnar í Úkraínu.

Samkvæmt gögnum frá Úkraínu deyja að meðaltali 824 rússneskir hermenn á dag í febrúar. Breska varnarmálaráðuneytið tekur undir það en bendir á að ekki sé unnt að staðreyna tölurnar. Ráðuneytið segir þetta þó líklega nákvæma þróun, að því er BBC greinir frá.

Fráfarandi varnarmálaráðherra Úkraínu, Oleksí Resnikov, sagði í síðustu viku að búist væri við nýrri sókn Rússa í kringum 24. febrúar, en þá verður liðið ár frá upphafi innrásarinnar.

Fjórfalt hærri en síðasta sumar

Ríkisstjórar í úkraínsku héruðunum Lúhansk og Dónetsk hafa fullyrt að sóknin sé þegar hafin. Einna hörðustu bardagarnir hafa verið í kringum Bakmút í austurhluta landsins.

Ljóst er að dánartíðnin í febrúar er rúmlega fjórfalt hærri en dánartíðnin í júní og júlí á síðasta ári, þegar að meðaltali 172 rússneskir hermenn fórust á degi hverjum. Úkraínski herinn fullyrðir að 137.780 rússneskir hermenn hafi látist frá því að stríðið hófst.

Breska varnarmálaráðuneytið bendir á að aukningin geti stafað af ýmsum þáttum. Þar á meðal skorti á þjálfuðu herliði, samhæfingu og fjármagni.

Tengdar fréttir

Úkraína

Hótar Bretum og Bandaríkjamönnum

• Segir að Rússar séu að nota Úkraínu sem tilraunasvæði
• Skutu langdrægri eldflaug í átt að Úkraínu
• Vinaþjóðir Úkraínu kyndi undir „sálfræðihernað“ Rússa
• Fordæma ákvörðun um jarðsprengjur

» Fleiri tengdar fréttir

• 1 blogg um fréttina

Bloggað um fréttina

• Jónatan Karlsson: Falsfrétt ehf.