Aðstoðarutanríkisráðherra Rússlands segir að drónaárásir, sem Rússar saka Úkraínumenn um að hafa gert á rússneskar herstöðvar, hafi aðeins verið mögulegar með aðstoð bandarískra yfirvalda. 

Sergei Ryabkov, sem er nú staddur í Genf í Sviss til að ávarpa mannréttindaráð Sameinuðu þjóðanna og taka þátt í umræðum á ráðstefnu um afvopnun, segir að bandarísk stjórnvöld hljóti að hafa útvegað Úkraínumönnum upplýsingar um skotmörk og veitt þeim tæknilega aðstoð. 

Rússneska varnarmálaráðuneytið greindi frá því í desember að drónaárás úkraínska hersins hefði valdið sprengingum á tveimur flugvöllum í landinu með þeim afleiðingum að þrír létust. 

Önnur stöðin er Engels-herflugvöllurinn í suðurhluta héraðsins Saratov, sem er rúmlega 600 km frá landamærunum að Úkraínu. Þar eru geymdar nokkrar af sprengjuflugvélum rússneska hersins sem geta flogið með kjarnorkuvopn. 

Rússar héldu því fram í desember að árásirnar hefðu verið gerðar með flygildum frá tímum Sovétríkjanna.

Bandarísk yfirvöld sögðu aftur á móti 6. desember að þau hefðu ekki veitt Úkraínu aðstoð við að gera slíkar árásir innan landamæra Rússlands. Þá hafa stjórnvöld í Úkraínu aldrei tjáð sig um það hvort þau hafi, eður ei, gert drónaárásir innan Rússlands. 

Tengdar fréttir

Úkraína

Rússar ráða jemenska skæruliða til sín

• Munu hefja fjöldaframleiðslu á eldflaugunum
• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum

» Fleiri tengdar fréttir

Rússland

Bretar sækja að skuggaflotanum

• Pútín reynir allt til að forðast aðra herkvaðningu
• Hefur áhyggjur af notkun eldflauganna
• Hótar Bretum og Bandaríkjamönnum
• Segir að Rússar séu að nota Úkraínu sem tilraunasvæði

» Fleiri tengdar fréttir

• 1 blogg um fréttina

Bloggað um fréttina

• Wilhelm Emilsson: Sagan