Rússnesk orrustuþota lenti í árekstri við bandarískan dróna yfir Svartahafinu þegar tvær rússneskar þotur flugu til móts við hann, að sögn bandaríska flughersins í alþjóðlegu loftrými þar sem dróninn hafi verið í reglubundinni aðgerð á flugi sínu.

Dróninn hrapaði til jarðar og eyðilagðist og hefur bandaríski herinn gefið það út að háttsemi rússnesku flugmannanna hafi verið „háskaleg og ófagleg“ og hefði getað valdið brotlendingu annarrar þotunnar um leið.

Bandaríkjamenn og bandamenn þeirra munu halda áfram aðgerðum sínum á svæðinu kemur enn fremur fram í boðum hersins en rússnesk stjórnvöld hafa enn ekki tjáð sig um atvikið.

„MQ-9-flugfar okkar var við venjubundna aðgerð í alþjóðlegu loftrými þegar rússnesk flugfél flaug til móts við það og á það með þeim afleiðingum að MQ-9-farið hrapaði og er gjörónýtt,“ er haft eftir James Hecker, hershöfðingja í bandaríska flughernum.

BBC

Tengdar fréttir

Rússland

Hefur áhyggjur af notkun eldflauganna

• Hótar Bretum og Bandaríkjamönnum
• Segir að Rússar séu að nota Úkraínu sem tilraunasvæði
• Hafði áður gagnrýnt rússnesk stjórnvöld
• Segir afstöðu Trumps margslungnari

» Fleiri tengdar fréttir

• 1 blogg um fréttina

Bloggað um fréttina

• Torfi Kristján Stefánsson: "við venju­bundna aðgerð í alþjóðlegu loft­rými"!