„Glæpamaðurinn snýr alltaf aftur á vettvang“
Setja bókamerki
Mykhaylo Podolyak, aðstoðarmaður Úkraínuforseta, gagnrýndi harðlega óvænta heimsókn Vladimírs Pútíns Rússlandsforseta til hafnarborgarinnar Maríupol sem rússneskar hersveitir hertóku á síðasta ári.
„Glæpamaðurinn snýr alltaf aftur á vettvang glæpsins...morðingi þúsunda fjölskyldna í Maríupol kom til að dást að rústum borgarinnar og gröfum hennar. Napurlegt og skortur á eftirsjá,“ sagði Podolyak á Twitter.
Borgarráð Maríupol fordæmdi einnig heimsókn Pútíns. „Alþjóðlegi stríðsglæpamaðurinn Pútín heimsótti hina hersetnu Maríupol. Hann horfði á „enduruppbyggingu borgarinnar“... að nóttu til. Líklega til að geta ekki séð borgina, sem „frelsun hans“ drap í dagsljósi,“ sagði borgarráðið á Twitter.
Stjórnvöld í Rússlandi segja að heimsóknin hafi verið ákveðin með stuttum fyrirvara eftir að forsetinn heimsótti Krímskaga óvænt í gær.
„Þetta gerðist allt með mjög skömmum fyrirvara,“ sagði Dimitrí Peskov, talsmaður Kremlar. „Ferðir hans um borgina voru ekki skipulagðar“ og heldur ekki fundir hans með íbúunum, bætti hann við.
Fullvissa ferðamenn um að hér sé öruggt
Hraun kemur úr þremur gígum: Virknin stöðug
Hótar Bretum og Bandaríkjamönnum
Litlar líkur á að hraunið nái til mannvirkja
Yfir 300 stæði fóru undir hraun
Nýtt fangelsi í landi Stóra-Hrauns tilbúið 2028
Dómur þyngdur um þrjú ár
Hentugt gos fyrst gýs á annað borð