Pútín og Xi ræða áætlun til að enda stríðið
Setja bókamerki
Vladimír Pútín Rússlandsforseti sagði við Xi Jinping, forseta Kína, að Rússar væru opnir fyrir því að ræða tillögur Kínverja til þess að binda enda á stríðið í Úkraínu, á fundi þeirra í Moskvu, höfuðborg Rússlands, fyrr í dag.
„Við erum alltaf opnir fyrir samningaviðræðum,“ sagði Pútín við Xi sem er í fyrstu opinberu heimsókn sinni til Rússlands síðan fyrir heimsfaraldurinn.
Kínverjar hafa haldið fram hlutleysi sínu í Úkraínustríðinu en yfirvöld í Bandaríkjunum hafa sakað yfirvöld í Peking um að vera að hugleiða að senda vopn til Rússlands, en Kínverjar hafa tekið fyrir þær ásakanir.
Ákall um að virða fullveldi landa
Xi og Pútín munu í þriggja daga heimsókn Kínaforsetans ræða 12 skrefa áætlun Kínverja til þess að enda Úkraínustríðið.
Í áætluninni er m.a. kveðið á um samtal milli Úkraínu og Rússlands og að fullveldi allra landa verði virt.
Pútín hefur fagnað yfirlýsingum frá yfirvöldum í Peking um Úkraínustríðið og segir þær til marks um vilja til þess að spila „uppbyggilegt hlutverk“ í því að stöðva átökin.
Óleg Nikolenkó, talsmaður utanríkisráðuneytis Úkraínu, segir að Úkraínumenn ætlist til þess að Xi muni beita áhrifum sínum á Rússa til þess að enda stríðið í Úkraínu.
Stjórmálavæðing og tvöfalt siðferði
Alþjóðlegi sakamáladómstóllinn í Haag gaf út handtökuskipun á Pútín á föstudaginn vegna stríðsglæpa í Úkraínu.
Yfirvöld í Kína hafa sagt að dómstóllinn ætti að varast „stjórnmálavæðingu og tvöfalt siðferði“ og að virða friðhelgi þjóðhöfðingja.
„Erum í miðri hrinu“: Styttist í Eldvörp
Líklega komin á seinni hluta hrinunnar í Svartsengi
Yfir 300 stæði fóru undir hraun
Fullvissa ferðamenn um að hér sé öruggt
Drónamyndskeið frá hápunkti gossins í nótt
Hraunið náð Njarðvíkuræð: Fylgjast með raflínu
Litlar líkur á að hraunið nái til mannvirkja
Hótar Bretum og Bandaríkjamönnum