Vla­dimír Pútín Rúss­lands­for­seti hyggst láta flytja kjarna­vopn vest­ur yfir landa­mær­in til Hvíta-Rúss­lands. Kveðst hann hafa náð sam­komu­lagi um þetta við hví­trúss­neska for­set­ann Al­ex­and­er Lúka­sj­en­kó.

Rúss­neska Tass-frétta­stof­an grein­ir frá þessu og hef­ur eft­ir Pútín að þessi aðgerð brjóti ekki í bága við alþjóðasamn­inga um tak­mörk­un kjarna­vopna.

Bend­ir hann á að Banda­rík­in hýsi kjarna­vopn í ríkj­um evr­ópskra banda­manna sinna. 

Þá seg­ir hann að Lúka­sj­en­kó hafi lengi vakið máls á því að kjarna­vopn frá Rúss­um verði hýst í Hvíta-Rússlandi.

Landið á landa­mæri að fimm ríkj­um; Rússlandi, Úkraínu, Póllandi, Lit­há­en og Lett­landi. Þau þrjú síðar­nefndu til­heyra Atlants­hafs­banda­lag­inu.

Smærri en hefðbund­in kjarna­vopn

Um er að ræða svo­kölluð taktísk kjarna­vopn, sem eru smærri en hefðbund­in kjarna­vopn og eru hönnuð til að beita á víg­vell­in­um á móti hefðbundn­um hernaði. 

Talið er að rúss­nesk stjórn­völd búi yfir allt að tvö þúsund kjarna­odd­um af þess­ari gerð.

Greint var frá því í nóv­em­ber á síðasta ári að hátt­sett­ir yf­ir­menn inn­an rúss­neska hers­ins hefðu þá ný­verið rætt sín á milli um hvenær og hvernig mætti beita kjarna­vopni í Úkraínu.

Umræðurn­ar höfðu þá enn frek­ar á áhyggj­ur ráðamanna í Washingt­on og öðrum höfuðborg­um Vest­ur­landa, þar sem upp­lýs­ing­un­um var deilt.

Frétt af mbl.is

Hafa rætt beit­ingu kjarna­vopna

Tengd­ar frétt­ir

Úkraína

Kristrún sæk­ir leiðtoga­fund í Par­ís

• Hafa rænt fleiri en tutt­ugu þúsund börn­um
• Tug­ir særðir í árás Rússa
• Vopna­hlé sagt víðs fjarri
• Til viðræðna eft­ir dráp helgar­inn­ar

» Fleiri tengd­ar frétt­ir

• 2 blogg um frétt­ina

Bloggað um frétt­ina

• Gunn­ar Rögn­valds­son: Sams­kon­ar kjarn­orku­vopn og Banda­rík­in geyma í fimm Evr­ópu­lönd­um
• Ómar Ragn­ars­son: Pútín nefndi strax beit­ingu kjarna­vopna 2014 vegna Krímskaga.