Rússar hafa tekið við formennsku öryggisráðs Sameinuðu Þjóðanna fyrir aprílmánuð en þau fimmtán lönd sem öryggisráðið samanstendur af skiptast á að vera í formennsku í mánuð í senn.

Utanríkisráðherra Úkraínu, Dmytro Kuleba, segir formennsku Rússlands í ráðinu vera „versta aprílgabb allra tíma.“ 

Fréttastofa CNN greinir frá þessu.

Innrás síðast þegar Rússland var í formennsku

„Landið sem brýtur gegn öllum reglum um þjóðaröryggi á kerfisbundinn hátt fer nú með formennsku yfir ráði sem hefur það eina hlutverk að standa vörð um þjóðaröryggi,“ segir Kuleba.

Síðast þegar Rússland fór með formennsku öryggisráðs Sameinuðu þjóðanna var í febrúar 2022 en eins og frægt er hófst innrás Rússlands í Úkraínu þann 24. febrúar 2022. 

Þá hafa ýmsir bent á að það skjóti skökku við að Rússland fari með formennsku ráðsins þegar að Alþjóðlegi sakamáladómstóllinn í Haag hefur gefið út handtökuheimild á Vladimír Pútín Rússlandsforseta vegna stríðsglæpa í Úkraínu.

Frétt af mbl.is

Gefa út handtökuheimild á Pútín

Tengdar fréttir

Úkraína

Sammála um að koma þurfi á „varanlegum friði“

• Norðurkóreskir hermenn felldir í Evrópu
• Ákærður, fundinn sekur og myrtur
• ESB í hart við Kínverja og N-Kóreu
• Að minnsta kosti 30 norðurkóreskir hermenn drepnir og særðir

» Fleiri tengdar fréttir

Rússland

Norðurkóreskir hermenn felldir í Evrópu

• Ákærður, fundinn sekur og myrtur
• ESB í hart við Kínverja og N-Kóreu
• Að minnsta kosti 30 norðurkóreskir hermenn drepnir og særðir
• „Þakklátur fyrir hermennina sem verja Úkraínu“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Rússneski fulltrúinn í Öryggisráðinu var fjarverandi þegar Kóreustríðið hófst.