Netanyahu í hefndarhug
Setja bókamerki
Benjamin Netanyahu, forsætisráðherra Ísraels, segir að óvinir lands hans muni þurfa að borga fyrir árásir gegn Ísrael í kjölfar þess að 34 eldflaugum var skotið frá Líbanon til Ísraels í dag.
„Við munum ráðast á óvini okkar og þeir munu borga fyrir hvaða fjandsamlega verknað sem þeir framkvæma,“ sagði Netanyahu á ríkistjórnarfundi í dag.
Ísraelsmenn segja það vera yfir allan vafa hafið að eldflaugunum sem skotið var á Ísrael í dag hafi verið frá Palestínumönnum.
Ofbeldi í Al-Aqsa
Ísraelsmenn voru gagnrýndir fyrir ofbeldi gegn múslimum í Al-Aqsa moskunni í Jerúsalem í gærmorgun.
Vopnaðir ísraelskir lögreglumenn brutust inn í moskuna í þeim tilgangi að handsama unga lögbrjóta sem þeir sögðu að höfðu lokað sig inni í moskunni.
Að minnsta kosti 350 manns voru handteknir af lögreglunni, sem hefur verið harðlega gagnrýnd fyrir að berja fólk með kylfum og að beita reyksprengjum.
Átakasvæði síðustu áratugi
Al-Aqsa moskan er í austurhluta Jerúsalem á Musterishæð.
Svæðið er helgur staður bæði fyrir gyðinga og múslima en þar hefur síðustu áratugi margsinnis komið til átaka á milli trúarhópanna.
Gyðingar trúa að á Musterishæð hafi Abraham ætlað að fórna Ísaki syni sínum Guði. Múslimar trúa að Múhameð spámaður hafi risið til himna á hæðinni á vængjuðum hesti.
Sólveig Anna furðar sig á aðferðum kennara
Börn hafi engan rétt á leikskólakennslu
Hluti bílastæðis undir hraun: Ómögulegt að meta tjón
Viðræður ekkert þokast frá því á þriðjudag
/frimg/1/53/8/1530849.jpg)
Fatlaður drengur fær ekki þjónustu í verkfalli
Hópur fólks reyndi að komast að eldgosinu