Hafnar vitneskju um eldflaugarnar fjörutíu þúsund

John Kirby, talsmaður Hvíta hússins í þjóðaröryggismálum, segir það rangt sem fram kemur í umfjöllun dagblaðsins Washington Post, að forseti Egyptalands hafi fyrirskipað framleiðslu 40 þúsund eldflauga til að senda rússneskum stjórnvöldum.

Í það minnsta hafi Bandaríkin ekki vitneskju um það, eins og fullyrt er í umfjöllun dagblaðsins enda er hún reist á gagnaleka innan úr varnarmálaráðuneytinu í Washington.

Ekkert séð

„Við höfum ekkert séð sem gefur til kynna að Egyptaland sé að ljá Rússlandi banvæn vopn,“ sagði Kirby við blaðamenn í dag.

„Egyptaland er mikilvægur bandamaður í öryggismálum og verður það áfram.“

Þá bætti hann við að yfirvöld í Washington væru að setja sig í samband við bandamenn sína í kjölfar lekans, sem innihélt meðal annars viðkvæm gögn og greiningar Bandaríkjamanna á bandamönnum sínum.

Frétt af mbl.is

Ó­öruggir heimildar­menn, hleranir og brostið traust

• 1 blogg um fréttina

Bloggað um fréttina

• Torfi Kristján Stefánsson: Njósnir Kanans á banamönnum þeirra