Erlent | mbl | 13.5.2023 | 23:10 | Uppfært 14.5.2023 0:24

Dæmd sek fyrir að myrða börnin sín

Lori Vallow er 49 ára gömul. AFP/Ada County Sheriff's Office

Bandarísk móðir sem var liðsmaður í svokölluðum dómsdags sértrúarsöfnuði hefur verið dæmd sek um að hafa myrt börnin sín tvö og fyrrverandi eiginkonu mannsins síns.

Móðir týndra barna handtekin

BBC greinir frá því að Lori Vallow og eiginmaður hennar, Chad Daybell, voru ákærð fyrr morðin.

Vallow er 49 ára gömul og starfaði sem snyrtifræðingur en nú gæti hún átt yfir höfði sér lífstíðarfangelsi.

Fundu líkamsleifar á heimili stjúpans

Lík Joshua "JJ" Vallow, sjö ára, og Tylee Ryan, 16 ára, fundust grafin á heimili Daybell árið 2020.

Réttarhöldin yfir Vallow stóðu yfir í fimm vikur og komu 60 vitni fram fyrir dóminum.

Enn eru nokkrir mánuðir í réttarhöld yfir Chad Daybell. Hann er rithöfundur og hefur skrifað nokkrar heimsendabækur sem byggja lauslega á trúarkennslu mormóna.

Kynntust í gegnum sértrúarsöfnuð

Parið kynntist í gegnum sértrúarsöfnuð sem býr sig undir heimsendi.

Jim Archibald, lögmaður Vallow, sagði hana vera ástríka móður sem hafði fallið fyrir „skrýtnum“ leiðtoga sértrúarsafnaðar og að það væru engar vísbendingar sem tengdu Vallow við morðin.

Saksóknarar sögðu að Vallow hafi gengið til liðs við Daybell til þess að hrinda af stað óhugnanlegri atburðarrás sem leiddi til dauða barnanna og Tammy, fyrrverandi eiginkonu Daybell.

Fyrrverandi eiginmaðurinn skotinn til bana

Árið 2006 giftist Vallow athafnamanninum Charles Vallow. Lori átti dótturina Tylee úr fyrra hjónabandi og árið 2014 ættleiddu hjónin JJ sem var sonarsonur systur Charles.

Árið 2017 breyttist hegðun Vallow að sögn fjölskyldu og vina eftir að hún hóf að lesa bækur Daybell. Þau kynntust síðan árið 2018 og byrjuðu að gefa út hlaðvarp um trúarskoðanir sínar. Þau voru þá bæði gift en að sögn saksóknara urðu skoðanir þeirra sífellt öfgafyllri.

Eiginmaður Vallow sótti síðan um skilnað þar sem hann óttaðist um öryggi sitt og barnanna. Hann var skotinn til bana af bróður hennar, Alex Cox. Hann sagði að um sjálfsvörn hafi verið að ræða en Cox lést í desember.

Giftu sig tveimur vikum eftir dauða eiginkonunnar

Haustið 2019 flutti Vallow með börnin til Idaho, nærri þar sem Daybell bjó.

Mánuði síðar lést Tammy Daybell, eiginkona Chad Daybell, til 28 ára skyndilega. Um tveimur vikum síðar giftu Vallow og Daybell á Havaí.

Um það leyti höfðu föðurafi og amma annars barnsins samband við lögreglu og báðu hana um að kanna heimili barnnanna. Að sögn lögreglu komst hún að því síðar að ekkert hafði sést til barnanna í einhverja mánuði.

Yfirvöld segja að Vallow hafi ítrekað orðið missaga og logið til um hvar börnin væru og jafnvel hvort þau hafi nokkurn tíma verið til þegar var við hana af lögreglu. Hún lét sig síðan hverfa daginn eftir. Lögreglan leitaði í kjölfarið í geymsluhúsnæði í nágrenninu og fann þar bæði fatnað og leikföng sem reyndust í eigu barnanna.

Vallow var handtekinn á Havaí í febrúar árið 2020 og í júní fundust loks lík barnanna í garði Daybell.