Volodimír Selenskí, forseti Úkraínu, lenti í París fyrir stundu en hann er þangað mættur til að ræða við Emmanuel Macron, Frakklandsforseta.  Selenskí fór beint til Parísar í kvöld eftir að hafa tekið á móti Karlsverðlaununum í Þýskalandi fyrr í dag.

„Tengslin við Evrópu eru að verða sterkari og þrýstingurinn á Rússland eykst,“ tísti Selenskí við komu sína á flugstöðina í Villacoublay, suðvestur af París, í kvöld.

 Snæðir kvöldverð í forsetahöllinni

Macron bauð Selenskí skömmu síðar velkominn í Elysee-höllina, í annað sinn síðan Rússar réðust inn í Úkraínu í febrúar á síðasta ári. Haft var eftir talsmanni á skrifstofu franska leiðtogans að forsetahjónin myndu ræða stuðning Frakka við Úkraínu yfir kvöldverðinum í forsetahöllinni og þá einkum hvernig bregðast þurfi við brýnum hernaðar- og mannúðarþörfum Úkraínu. Þá myndi Macron árétta stuðning Frakklands og Evrópu við að endurheimta lögmæt réttindi Úkraínu og verja grundvallarhagsmuni landsins. 

Frétt af mbl.is

Selenskí hlaut Karlsverðlaunin í ár

Koma Selenskís til Parísar var eins og fyrr segir aðeins nokkrum klukkustundum eftir að leiðtogar ESB í Þýskalandi fögnuðu úkraínsku þjóðinni fyrir að berjast fyrir frelsi og gildum sambandsins og afhentu honum Karlsverðlaunin í ár fyrir þjónustu í þágu evrópskrar samstöðu og einingar.

Tengdar fréttir

Úkraína

Sammála um að koma þurfi á „varanlegum friði“

• Norðurkóreskir hermenn felldir í Evrópu
• Ákærður, fundinn sekur og myrtur
• ESB í hart við Kínverja og N-Kóreu
• Að minnsta kosti 30 norðurkóreskir hermenn drepnir og særðir

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Evrópa tapar í Úkraínustríðinu, burtséð úrslitum