Ræðir við Pútín „þegar fram líða stundir“
Setja bókamerki
Olaf Scholz, kanslari Þýskalands, ætlar að ræða við Vladimír Pútín Rússlandsforseta „þegar fram líða stundir”. Síðast töluðu leiðtogarnir saman snemma í desember.
„Það er nokkuð liðið frá síðasta símtali mínu,” sagði Scholz við dagblaðið Koelner Stadt-Anzeiger. „En ég ætla mér að tala aftur við Pútín þegar fram líða stundir”.
Þegar þeir ræddu síðasta saman í klukkutímalöngu símtali hvatti Scholz Pútín til að draga herlið sitt frá Úkraínu. Pútín sakaði Vesturlönd aftur á móti um að fylgja stefnu sem hefði eyðileggingu í för með sér.
Síðan þá hefur spennan á milli Rússlands og Þýskalands magnast, sérstaklega vegna ákvörðunar ríkisstjórnar Scholz í janúar um að senda þýska skriðdreka til Úkraínu.
Í viðtalinu sagði Scholz að markmið hans væri að „styðja Úkraínu áfram” en „á sama tíma að koma í veg fyrir bein átök á milli NATO og Rússlands.
„Og aldrei að ráðast í aðgerðir einn heldur í nánu samstarfi við vini okkar og samstarfsmenn,” sagði hann.
Spurður um möguleikann á því að stöðva átökin með samningaviðræðum sagði Scholz að Pútín yrði að skilja að ekki væri hægt að binda enda á stríðið með „einhvers konar köldum friði”.
Vilja bora við Bolaöldu
/frimg/1/52/89/1528998.jpg)
Eftirminnilegur og áhugasamur
„Það var bara allt í kássu“
Nota ekki jólaljós til að níðast á fólki
/frimg/1/52/89/1528993.jpg)
Þórður „má og á að skammast sín“
Áfram óvissustig vegna skriðuhættu
Telur njósnirnar vega að lýðræðinu á Íslandi