Vita hvað olli lestarslysinu

Ráðherra lestarsamgangna á Indlandi segir að búið sé að komast að því hvað olli lestarslysinu í landinu og hvaða fólk bar ábyrgð á því.

Hann benti á rafrænt merkjakerfi sem á að koma í veg fyrir að lestir rekist saman, án þess að veita frekari upplýsingar.

Að minnsta kosti 288 fórust í slysinu, sem er það mannskæðasta í áratugi í landinu.

„Við höfum komist að orsökum slyssins og hvaða fólk bar ábyrgð á því,” sagði Ashwini Vaishnaw og bætti við að ekki væri við hæfi að veita frekari upplýsingar áður en rannsóknarskýrsla um slysið verður birt.