Volodimír Selenskí, forseti Úkraínu lýsti því yfir fyrir skemmstu að hin tíðrædda gagnsókn Úkraínumanna á hendur Rússum væri hafin. 

Frétt af mbl.is

Tilbúnir í gagnsókn en óttast mannfall

„Bæði gagnsókn og varnir eru að eiga sér stað, en á þessu stigi mun ég ekki fara nánar út í smáatriðin,“ sagði Selenskí á sameiginlegum blaðamannafundi hans og forsætisráðherra Kanada, Justin Trudeau, sem er í opinberri heimsókn í Úkraínu um þessar mundir. 

Trudeau fordæmdi þátt Rússa í þeirri eyðileggingu sem unnin var á Kakhova stíflunni, sem varð til þess að hún brast með skelfilegum afleiðingum. 

Frétt af mbl.is

Ný gögn um sprenginguna

Rússar höfðu gefið í skyn að áætluð gagnsókn Úkraínumanna væri nú þegar farin að misheppnast. Til þess að svara þessu sagði Selenskí: „Það sem Pútín sagði um gagnsóknina okkar er athyglisvert. Það er að mínu mati mikilvægt að Rússar upplifi alltaf þá tilfinningu, að þeir eigi ekki mikið eftir.“

Leiðtogarnir féllust í faðma. AFP

Tengdar fréttir

Úkraína

Segir að Rússar séu að nota Úkraínu sem tilraunasvæði

• Skutu langdrægri eldflaug í átt að Úkraínu
• Vinaþjóðir Úkraínu kyndi undir „sálfræðihernað“ Rússa
• Fordæma ákvörðun um jarðsprengjur
• „Hlægilegar“ ásakanir um skemmdarverk

» Fleiri tengdar fréttir

• 1 blogg um fréttina

Bloggað um fréttina

• Geir Ágústsson: Nú reynir á fjölmiðlana