Úkraínskar hersveitir gerðu árásir á tvö rússnesk héruð við landamæri Úkraínu snemma í morgun. Sjö manns særðust í árásinni, þar á meðal eitt barn.

Nokkur íbúðarhús í Belgorod-héraði urðu fyrir skemmdum. Allir hinir særðu hafa verið fluttir á sjúkrahús, að sögn Vyacheslav Gladkov, ríkisstjóra Belgorod.

Þá var gerð árás á tvö þorp í Kúrsk-héraði sem olli rafmagnsleysi og skemmdum á ökutækjum, en enginn særðist, að sögn Roman Starovoit ríkisstjóra.

Á Krímskaga, sem Rússar innlimuðu árið 2014, voru tveir drónar skotnir niður í nótt, að sögn Sergei Aksyonov ríkisstjóra.

Hafa endurheimt átta landsvæði

Árásum á rússnesk svæði við landamæri Úkraínu og á Krímskaga hefur fjölgað undanfarið vegna gagnsóknar Úkraínumanna.

Aðstoðarvarnarmálaráðherra Úkraínu, Hanna Maliar, greindi frá því í morgun að úkraínskar hersveitir hefðu endurheimt þorpið Pyatykhatky á suðurvígstöðvunum.

Maliar sagði átta landsvæði hafa verið frelsuð frá því að gagnsókn hófst, eða 113 ferkílómetrar af landi.

Tengdar fréttir

Úkraína

Rússar ráða jemenska skæruliða til sín

• Munu hefja fjöldaframleiðslu á eldflaugunum
• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum

» Fleiri tengdar fréttir

• 1 blogg um fréttina

Bloggað um fréttina

• Torfi Kristján Stefánsson: Nýnasistar að verki