Úkraínuher setti aukinn kraft í gagnsókn sína í suður- og austurhlutum Úkraínu í vikunni sem leið. Tilkynnti herinn á fimmtudaginn að hann hefði frelsað þorpið Staromaiorsk í Donetsk-héraði, en það er við þjóðveg, sem liggur meðal annars í áttina að Maríupol við Asovhaf. 

Þá sögðu rússneskir herbloggarar að Úkraínuher hefði einnig náð að brjótast í gegnum varnarlínur Rússa á nokkrum stöðum á milli þorpanna Orikhív og Robotíne í Saporísja-héraði. Rússar segjast hins vegar hafa staðið af sér öll áhlaup Úkraínumanna. 

Rússar og Úkraínumenn skiptust einnig á langdrægum árásum í vikunni, þar sem Rússar hafa ráðist að hafnarborgum Úkraínumanna við Svartahaf og við Dóná. Rúmenía, sem er aðili að Atlantshafsbandalaginu, hefur mótmælt árásunum og bandalagið hefur sagt að þeim geti fylgt aukin hætta á stigmögnun átakanna. 

Kynnti sér hergögn Norður-Kóreumanna

Þá fór Sergei Shoígú, varnarmálaráðherra Rússlands, í vikunni í heimsókn til Norður-Kóreu, þar sem hann ræddi við ráðamenn um varnarsamband ríkjanna tveggja og möguleikann á frekari stuðningi Norður-Kóreumanna við innrás Rússa.

Shoígú kynnti sér einnig hergagnaframleiðslu gestgjafanna og fór í heimsókn í drónaverksmiðju. Var hápunktur heimsóknarinnar vegleg hersýning sem hann og fulltrúi Kínverja fengu að sjá í miðborg Pyongyang. 

Í mynd­skeiðinu sem fylg­ir hér að ofan fer Stefán Gunn­ar Sveins­son, blaðamaður og sér­fræðing­ur Morg­un­blaðsins í Úkraínu­stríðinu, yfir stöðu mála og helstu svipt­ing­ar undanfarinnar viku. 

Gepard-loftvarnardreki á vegum Úkraínumanna sést hér við æfingar í nágrenni Kænugarðs. AFP/Sergei Supinsky

Tengdar fréttir

Úkraína

Munu hefja fjöldaframleiðslu á eldflaugunum

• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn

» Fleiri tengdar fréttir

• 1 blogg um fréttina

Bloggað um fréttina

• Guðjón E. Hreinberg: Óþarft segja satt ef hægt er að ljúga; --Elítan