Kallar eftir lengri frest fyrir Níger
Setja bókamerki
Utanríkisráðherra Ítalíu hefur kallað eftir því að lengri frestur verði veittur herforingjastjórninni í Níger, sem rændi völdum, til að afsala sér völdum til lýðræðislega kjörins forseta landsins, Mohamed Bazoum.
ECOWAS-ríkin, eða Afríkuríkin, höfðu gefið stjórninni tiltekinn frest til að aðhafast þetta, en sá frestur er nú við það að renna út. Í stað þess að beygja sig undir kröfur ECOWAS-ríkjanna hefur herforingjastjórnin brugðið á það ráð að loka lofthelginni yfir landinu.
Kjörinn forseti Níger, Mohamed Bazoum, sem er jafnframt bandamaður vesturveldanna, hefur verið í haldi hersins frá því á miðvikudag.
Antonio Tajani, utanríkisráðherra Ítalíu, segir aðila verða að finna lausn með diplómatískum hætti. Hann gefur lítið fyrir afarkosti á borð við þá sem ECOWAS-ríkin hafa sett herforingjastjórninni og kallar eftir því að fresturinn verði lengdur.
„Það þarf að finna lausn. Það er ekki hægt að slá því föstu að stríð sé eina leiðin.“
Sjötti ferðamaðurinn er látinn
Rússar sagðir útvega N-Kóreu milljón olíutunnur
Hótar Bretum og Bandaríkjamönnum
Yfir 300 stæði fóru undir hraun
Nýtt fangelsi í landi Stóra-Hrauns tilbúið 2028
Vika í kosningar: Þetta segja kannanir
Viðræður ekkert þokast frá því á þriðjudag