Flugriti vélar Prigósjíns fundinn
Setja bókamerki
Flugriti flugvélarinnar sem fórst nærri Moskvu sl. miðvikudag er fundinn og lík þeirra tíu sem um borð voru hafa verið flutt á brott. Um borð í vélinni var leiðtogi Wagner-málaliðasveitarinnar, Jevgení Prigósjín, ásamt fleiri framámönnum sveitarinnar, auk tveggja flugmanna og flugfreyju.
Getum hefur verið leitt að því að rússnesk stjórnvöld beri ábyrgð á því að flugvélin fórst, en því neitar talsmaður þeirra, Dmitrí Peskov, harðlega og segir „fullkomna lygi“.
Ekki í heilu lagi
Sjónarvottar að hrapi vélarinnar hafa greint frá því að flugvélin hafi ekki verið í heilu lagi þegar hún steyptist til jarðar og kenningar eru uppi um að hún hafi annað hvort verið skotin niður eða grandað af sprengju sem komið hafi verið fyrir um borð.
Peskov sagði á blaðamannafundi í dag að margvíslegar vangaveltur væru í gangi vegna slyssins og á Vesturlöndum væru þær frá sama sjónarhorninu. „Þetta er allt lygi,“ er haft eftir honum og bætti hann við að varpa þyrfti ljósi á hvað gerst hefði, en orsök þess að flugvélin hrapaði til jarðar er nú sögð til rannsóknar.
Ákærður fyrir stunguárás á menningarnótt
Ekki hægt að slá gosið út af borðinu strax
Dæla, kæla og verja mikilvæg mannvirki
Falskur fyrirvari á auglýsingum Höllu
Sendi nektarmyndir af dreng sem hann passaði
Hvatti kjósendur til þess að greiða ógild atkvæði
Fæðuöryggi: „Áttum mat í þrjár vikur“