Sextán milljarða truflun

Umfangsmesta truflun á breskum flugsamgöngum í tæpan áratug, er upp kom á mánudaginn, mun að öllum líkindum kosta flugfélög 100 milljónir punda, jafnvirði 16,5 milljarða íslenskra króna er upp verður staðið. Byggir upphæðin á mati Alþjóðaflugmálastofnunarinnar IATA.

Frétt af mbl.is

Miklar tafir á flugumferð í Bretlandi

„Ég myndi ætla að aukakostnaður vegna þessa verði um hundrað milljónir punda,“ segir Willie Walsh, forstjóri IATA, við breska ríkisútvarpið BBC. „Þetta er mjög ósanngjarnt þar sem flugumferðarstjórnarkerfið á bak við þessa bilun greiðir ekki eitt pens.“

Felst gríðarlegur kostnaður flugfélaga meðal annars í því að koma strandaglópum í önnur flug og finna fjölda manns gistingu.

Umtalsverður veikleiki

Dregur Walsh skýringar flugumferðarstofnunar Bretlands, National Air Traffic Services, á biluninni stórlega í efa og kveður kerfið hljóta að vera hannað þannig að það vísi röngum upplýsingum á bug í stað þess að allt gangverkið sigli í strand með gríðarlegum afleiðingum.

„Sé þetta rétt sýnir það fram á umtalsverðan veikleika sem hlýtur þá að hafa verið til staðar um hríð og ég er steini lostinn sé það orsökin,“ segir hann. Breska stjórnin hefur fyrirskipað rannsókn á málinu sem hún segir ekki komið til vegna netárásar. Skýringin á hins vegar að vera „óvenjuleg gögn“ sem ollu kerfishruni.

• 1 blogg um fréttina

Bloggað um fréttina

• Ingólfur Sigurðsson: Margar eru vísbendingarnar um að Vesturlönd stefni í kreppu, ekki …