Yfir 120 þúsund manns á vergangi á Gasasvæðinu

Meira en 120 þúsund manns eru á vergangi á Gasasvæðinu frá því átökin brutust út á milli herskárra Palestínumanna og Ísraelsmanna segir í yfirlýsingu frá Sameinuðu þjóðunum.

Yfir 123 þúsund manns hafa verið á vergangi innan Gasasvæðisins. Heimili margra hafa verið eyðilögð en Ísraelsmenn hafa gert hundruð árása á Gasa síðan á laugardagsmorgun þegar vígamenn á vegum Hamas gerðu mannskæðar árásir í Ísrael og skutu þúsundum eldlauga á landið.

Frétt af mbl.is

Martröð við Miðjarðarhaf

Fundið skjól í skólabyggingum

Um 73 þúsund manns hafa fundið sér skjól í skólabyggingum en í þeim hafa verið sett upp neyðarskýli.

„Það er rafmagn í skólunum og við útvegum fólki mat, hreint vatn og veitum þeim sálrænan stuðning og læknismeðferð,“ segir Adnan Abu Hasna, talsmaður stofnunar Sameinuðu þjóðanna fyrir palestínska flóttamenn, við AFP-fréttastofuna.

Alls búa 2,3 milljónir manna á Gasasvæðinu.

• 1 blogg um fréttina

Bloggað um fréttina

• Óðinn Þórisson: Siðlaus innrás Hamas inn í Ísrael