Ísrealsher segist hafa gögn undir höndum sem sanni að hryðjuverkasamtök beri ábyrgð á árásinni á spítalann á Gasasvæðinu í gær. Minnst 200 eru látnir eftir árásina en óttast er að mun fleiri eigi eftir að finnast látnir.

Hamas-vígasamtökin sögðu í gær að Ísraelsher bæri ábyrgð á sprengingunni. Í yfirlýsingu hersins frá því í gær sagði aftur á móti að sprengingin hefði orðið vegna slysaskots frá hryðjuverkasamtökum sem berjast við hlið Hamas á Gasasvæðinu.

Slysaskot

„Sönnunargögnin – sem við deilum með ykkur – staðfestir að sprengingin á spítalanum hafi orðið vegna slysaskots [samtakanna] Íslamsks jíhads,“ sagði Daniel Hagari, talsmaður Ísraelshers, á blaðamannafundi í Tel Avív fyrir skömmu.

„Ratsjárkerfið okkar greindi eldflaugaskot frá hryðjuverkasamtökum á Gasasvæðinu á þeim tíma sem sprengingin varð, og ferilgreining eldflauganna sýnir að þeim var skotið í nálægð við sjúkrahúsið,“ sagði Hagari.

Frétt af mbl.is

Ísraelar kenna slysaskoti íslamista um

Tengdar fréttir

Ísrael/Palestína

Samkynhneigðum og gyðingum sagt að vara sig í Berlín

• Yfir 200 börn hafa verið drepin í Líbanon
• Skólum lokað í Beirút
• Talsmaður Hisbollah drepinn
• Grunaðir um að kasta blysum að heimili Netanjahús

» Fleiri tengdar fréttir

• 1 blogg um fréttina

Bloggað um fréttina

• Guðjón E. Hreinberg: Málið liggur ljóst fyrir, fórnarlambið drap hinn myrta