Trump ber vitni í dag
Setja bókamerki
Fyrrverandi forseti Bandaríkjanna, Donald Trump, er á vitnaskrá í máli, sem höfðað var gegn honum og sonum hans í New York-borg, í dag. Réttarhöld hefjast klukkan tíu að staðartíma, eða klukkan þrjú að íslenskum tíma.
Letitia James, saksóknari í New York höfðaði mál gegn Trump og sakar þar bæði hann og syni hans um að hafa blásið út virði eigna sinna sem nemi milljörðum bandaríkjadala, í þeim tilgangi að knýja fram betri kjör á lánum og tryggingum.
„Undir hælnum á Demókrötum“
Trump hefur ekki farið fögrum orðum um dómarann í málinu, Arthur Engoron, og hefur m.a. kallað hann „óheflaðan“ og „Trump-hatandi öfga-vinstrimann undir hælnum á Demókrötum“.
Hefur Engoron þegar sektað Trump tvisvar um annars vegar 5.000 bandaríkjadali og hins vegar 10.000 bandaríkjadali fyrir brot á tjáningarbanni um starfsfólk dómstólsins.
Trump hefur tvísinnis gefið skýrslu utan dómsals og sagði réttahöldin nornaveiðar ætlaðar til þess að grafa undan kosningabaráttu hans i forsetakosningunum á komandi ári.
Endurskoðendur beri ábyrgð
Synir Trump, Donald Jr. og Eric, báru vitni í málinu í síðustu viku og báru fyrir sig að endurskoðendur fjölskyldunnar bæru ábyrgð á ofmatinu og er búist við því að fyrrverandi forsetinn muni halda því sama fram.
Ekki eiga feðgarnir á hættu að hljóta fangelsisdóm verði þeir fundir sekir í málinu, en eiga yfir höfði sér allt að 250 milljóna dala sekt, eða rúmlega 34 milljarða íslenskra króna.
Vélarbilun hjá Play setur áramótin í uppnám
Segir lögreglu hafa hætt við þegar lögmaður mætti
Mistókst að ræna hraðbanka
Ók í gegnum rúðu og reyndi að nema banka á brott
„Við munum grípa inn í“
Boða 100 milljóna hagnað á næsta ári
Álíta Ísland ekki umsóknarríki