Líklega munu fimm sinnum fleiri láta lífið í hitabylgjum á næstu áratugum, samkvæmt mati alþjóðlegs hóps sérfræðinga. Í árlegu mati hópsins segir að ef ekki verði gripið til aðgerða sé heilsa mannkyns í alvarlegri hættu.

Um er að ræða árlegt mat sem ber yfirskriftina The Lancet Countdown, en matið er unnið af leiðandi vísindamönnum og stofnunum. 

Vísindamennirnir vara við því að tíðir þurrkar muni valda hungursneyð hjá milljónum manna.

Jafnframt segir þar að moskítóflugur, sem nú dreifa sér lengra en nokkru sinni fyrr, muni bera með sér smitsjúkdóma og að heilbrigðiskerfi heimsins muni eiga í erfiðleikum með að takast á við álagið. 

Matið kemur á ári, sem búist er við að verði heitasta ár mannkynssögunnar, en í síðustu viku greindi loftslagseftirlit Evrópu frá því að síðasti mánuður hefði verið hlýjasti októbermánuður sem mælst hefur. 

Tengdar fréttir

Loftslagsvá

„Kæra fullorðna fólk“

• „Börn eru að upplifa holskeflu breytinga“
• Yfir 1.000 jöklar bráðnað í landinu
• „Við erum á leið til glötunar“
• Berjast áfram gegn hlýnun þrátt fyrir sigur Trumps

» Fleiri tengdar fréttir

• 1 blogg um fréttina

Bloggað um fréttina

• Ágúst Kárason: Og færri úr kulda þá vonandi?