Yf­ir­maður fjár­lagskrif­stofu Hvíta húss­ins varaði banda­ríska þingið við því í dag að ef ekki yrði samið um nýtt fjár­magn til Úkraínu fyr­ir árs­lok hefði það al­var­leg­ar af­leiðing­ar fyr­ir Úkraínu.

„Ég vil hafa það á hreinu að án aðgerða þings­ins mun­um við í lok árs­ins verða uppiskroppa með fjár­magn til að út­vega fleiri vopn og búnað fyr­ir Úkraínu,“ skrifaði Shalanda Young í bréfi til for­seta banda­rísku full­trúa­deild­ar­inn­ar.

„Þetta er ekki vanda­mál næsta árs. Tím­inn til að hjálpa Úkraínu í bar­átt­unni gegn yf­ir­gangi Rússa er núna. Það er kom­inn tími til að þingið bregðist við,“ seg­ir Young enn­frem­ur.

Joe Biden, for­seti Banda­ríkj­anna, óskaði eft­ir því við þingið í októ­ber að samþykkja 106 millj­arða doll­ara í þjóðarör­ygg­is­fjár­mögn­un, þar á meðal stuðning við Úkraínu og stríð Ísra­ela gegn Ham­as-hryðju­verka­sam­tök­un­um. 

Þingið lamað í marga mánuði

En þingið hef­ur verið lamað í marga mánuði vegna inn­an­húsátaka Re­públi­kana, þar sem harðir hægri þing­menn eru sér­stak­lega á móti allri frek­ari aðstoð til Úkraínu þegar stríðið dregst á lang­inn.

Úkraínu­menn hafa þrýst mjög á auka er­lenda aðstoð þar sem rúss­nesk­ar her­sveit­ir hafa hert árás­ir sín­ar á aust­ur­hluta Úkraínu.

Tengd­ar frétt­ir

Úkraína

Óþekkj­an­legt frá hryll­ingn­um sem blasti við

• Selenskí kall­ar eft­ir aukn­um þrýst­ingi á Rúss­land
• Evr­ópska aðstoðarliðið í bíg­erð
• „Mjög skýrt að Evr­ópa mun ekki bakka“
• Rúss­ar skilji aðeins vald­beit­ingu

» Fleiri tengd­ar frétt­ir

Rúss­land

Selenskí kall­ar eft­ir aukn­um þrýst­ingi á Rúss­land

• „Mjög skýrt að Evr­ópa mun ekki bakka“
• Rúss­ar skilji aðeins vald­beit­ingu
• Hafa sent þrjú þúsund her­menn til viðbót­ar á þessu ári
• Viðræður í Riya­dh voru „erfiðar en upp­byggi­leg­ar“

» Fleiri tengd­ar frétt­ir

• 2 blogg um frétt­ina

Bloggað um frétt­ina

• Ingólf­ur Sig­urðsson: Vin­sæld­ir Selenskís og stríðsins eru ekki að aukast í Úkraínu
• Páll Vil­hjálms­son: Úkraína tap­ar, seg­ir Stolten­berg