Segir marga mánuði eftir af stríðinu
Setja bókamerki
Herzi Halevi, hershöfðingi Ísraela, hefur varað við því að stríðið við Hamas-samtökin eigi eftir að halda áfram í „marga mánuði í viðbót”.
Herinn hefur hert árásir sínar á Gasasvæðið þar sem yfir 20 þúsund manns eru sagðir hafa verið drepnir.
„Markmið þessa stríðs er mikilvægt og það er ekki auðvelt að ná því,” sagði Halevi. „Þess vegna mun stríðið standa yfir í marga mánuði í viðbót.”
Stríðið braust út eftir að byssumenn Hamas fóru yfir til Ísraels 7. október og drápu um 1.140 manns, flesta almenna borgara, samkvæmt tölfræði AFP-fréttastofunnar sem byggir á ísraelskum tölum.
Á meðan á árásinni stóð, sem er sú mannskæðasta í sögu Ísraels, tóku liðsmenn Hamas um 250 gísla og eru 129 þeirra enn á Gasasvæðinu, að sögn Ísraela.
Ísraelsmenn hefndu sín með linnulausum loftárásum og umsátri sem endaði með því að hermenn réðust inn á Gasasvæðið. Að minnsta kosti 20.915 hafa verið drepnir í þeim árásum, aðallega konur og börn, að sögn heilbrigðisráðuneytis Hamas á Gasasvæðinu.
Að sögn heilbrigðisráðuneytisins hefur að minnsta kosti 241 verið drepinn síðustu tvo sólarhringana á Gasasvæðinu.
Abbas fordæmdi stríðið
Mahmoud Abbas, forseti Palestínu, segir stríðið „alvarlegan glæp” gegn fólkinu hans, að sögn BBC.
Í viðtali við egypska sjónvarpsstöð sagði hann stríðið á Gasasvæðinu vera „meira en hamfarir” og „meira en gereyðingarstríð”.
Abbas sagði stríðið jafnframt ekki eiga sér nein fordæmi í sögu Palestínumanna.
Viðræður ekkert þokast frá því á þriðjudag
Börn hafi engan rétt á leikskólakennslu
Sjötti ferðamaðurinn er látinn
Hentugt gos fyrst gýs á annað borð
Rússar sagðir útvega N-Kóreu milljón olíutunnur
Litlar líkur á að hraunið nái til mannvirkja
Fullvissa ferðamenn um að hér sé öruggt