Alþjóðlegt eftirlit ekki leyft í kosningunum
Setja bókamerki
Rússnesk stjórnvöld munu ekki leyfa alþjóðlegum eftirlitsstofnunum að fylgjast með framkvæmd forsetakosninganna sem haldnar verða í mars.
Öryggis- og samvinnustofnun Evrópu (ÖSE) og Lýðræðis- og mannréttindastofnun ÖSE (ODIHR) hafa gefið frá sér tilkynningu þar sem stofnanirnar staðfesta þetta og harma um leið ákvörðun Rússlands.
„Við erum mjög vonsvikin með þá ákvörðun að bjóða ÖSE ekki að fylgjast með rússnesku forsetakosningunum,“ er haft eftir Matteo Mecacci, forstjóra ODIHR, í tilkynningu.
„Þetta er í andstöðu við skuldbindingar rússneska ríkisins sem það hefur gert við ÖSE og mun um leið neita kjósendum og stofnunum landsins um hlutlaust og óháð mat á kosningunum,“ segir í tilkynningu.
Kosningar einkennst af óreglu
Vladimír Pútín er enn og aftur í framboði en hann hefur stýrt Rússlandi frá aldamótum, náð kjöri í fernum forsetakosningum og gegnt embætti forsætisráðherra stuttlega í þokkabót. Enginn er talinn geta sigrað hann í komandi kosningum.
Mannréttindasamtök segja að fyrri kosningar í Rússlandi hafi einkennst af óreglu.
Þó að ekki sé búist við að Pútín muni mæta neinni raunverulegri samkeppni hefur frjálslyndi frambjóðandinn Boris Nadezhdin staðist undirskriftaþröskuldinn til að vera formlega viðurkenndur sem frambjóðandi.
Það er þó enn óljóst hvort hann fái leyfi til að bjóða sig fram.
Nýtt fangelsi í landi Stóra-Hrauns tilbúið 2028
Vika í kosningar: Þetta segja kannanir
Hótar Bretum og Bandaríkjamönnum
Dómur þyngdur um þrjú ár
Sjötti ferðamaðurinn er látinn
Sólveig Anna furðar sig á aðferðum kennara
Reiðubúin að aflýsa verkföllum í fjórum leikskólum
Pútín reynir allt til að forðast aðra herkvaðningu
