Ísraelar gagnrýna harðlega ákvörðun Svía og Kanadamanna um að hefja að nýju fjárveitingar til Palestínuflótta­manna­hjálp­ar Sam­einuðu þjóðanna, UN­RWA.

Það að styðja UNRWA séu „veruleg mistök“, að því er segir í tilkynningu frá utanríkisráðuneyti Ísraels. 

Svíþjóð og Kanada voru á meðal sextán þjóða sem frystu fjár­veit­ing­ar til UN­RWA eft­ir að grun­semd­ir vöknuðu um að stofn­un­in hefði hugs­an­lega átt aðild að árás hryðju­verka­sam­tak­anna Ham­as á Ísra­el 7. októ­ber. Málið er til rann­sókn­ar inn­an Sam­einuðu þjóðanna.

Utanríkisráðuneyti Ísraels biðlar til ríkjanna um að stöðva fjárveitingar til stofnunarinnar og að „styðja ekki stofnun sem að hundruð hryðjuverkamanna Hamas starfa hjá“.

Frétt af mbl.is

Svíþjóð og Kanada hefja fjárveitingar til UNRWA

Fjárveiting á meðan rannsókn stendur yfir

Svíar greindu frá því í dag að þeir hefðu út­hlutað 400 millj­ón­um sænskra króna til UN­RWA fyr­ir árið 2024. Upphæðin nemur um fimm milljörðum íslenskra króna.

Stjórn­völd í Kan­ada sögðust á föstu­dag ætla að hefja fjár­veit­ing­ar til stofn­un­ar­inn­ar á ný á meðan rann­sókn á starfs­fólki henn­ar stend­ur yfir.

Frétt af mbl.is

Rannsókn Ísraelshers: „Skutu með nákvæmni“

Hungursneyð yfirvofandi

UNRWA er stærsta stofn­un inn­an Sam­einuðu þjóðanna sem starfar á Gasa. Alls starfa 13.000 manns inn­an hennar á svæðinu.

Hjálparstarf stofnunarinnar hefur skipt sköpum á Gasa en Sameinuðu þjóðirnar hafa varað við því að hungursneyð sé þar yfirvofandi eftir fimm mánuði af árásum Ísraelshers.

Tengdar fréttir

Ísrael/Palestína

Samkynhneigðum og gyðingum sagt að vara sig í Berlín

• Yfir 200 börn hafa verið drepin í Líbanon
• Skólum lokað í Beirút
• Talsmaður Hisbollah drepinn
• Grunaðir um að kasta blysum að heimili Netanjahús

» Fleiri tengdar fréttir

• 1 blogg um fréttina

Bloggað um fréttina

• Helgi Þór Gunnarsson: Ísraelar!?