Volodimír Selenskí, forseti Úkraínu, hefur skrifað undir tvíhliða öryggissamning við lettneska starfsbróður sinn, Ed­gars Rin­kevics.

Hann greinir frá samningnum á miðlinum X.

Samningurinn var undirritaður í Litháen þar sem Selenskí fundaði ásamt fleiri leiðtogum um áframhaldandi stuðning við Úkraínu í stríðinu gegn Rússum.

Stuðningurinn nemur 0,25% af landsframleiðslu

Í tísti forsetans segir að samningurinn feli í sér að árlegur hernaðarstuðningur Lettlands við Úkraínu nemi 0,25% af vergri landsframleiðslu.

Þá skuldbindi Lettar sig til tíu ára til að aðstoða Úkraínu við netvarnir, eyðingu jarðsprengja og tækni á bak við ómönnuð för til beitingar í hernaði.

„[A]uk stuðnings við aðild Úkraínu að Evrópusambandinu og NATO,“ bætir forsetinn við. 

Tengdar fréttir

Úkraína

Hótar Bretum og Bandaríkjamönnum

• Segir að Rússar séu að nota Úkraínu sem tilraunasvæði
• Skutu langdrægri eldflaug í átt að Úkraínu
• Vinaþjóðir Úkraínu kyndi undir „sálfræðihernað“ Rússa
• Fordæma ákvörðun um jarðsprengjur

» Fleiri tengdar fréttir

• 1 blogg um fréttina

Bloggað um fréttina

• Torfi Kristján Stefánsson: Lettland og minnihlutahóparnir