Maður á fertugsaldri sem var handtekinn í gær grunaður um sprengjuhótun á flugvellinum í Billund í Danmörku hefur verið úrskurðaður í gæsluvarðhald til 17. maí.
Dómstóll í borginni Horsens kvað upp úrskurðinn í morgun fyrir luktum dyrum, að því er DR greindi frá.
Nafn mannsins hefur ekki verið gert opinbert vegna rannsóknarhagsmuna.
Flugvöllurinn var opnaður á nýjan leik í gærkvöldi eftir að hann var rýmdur vegna hótunarinnar.