Tveir skotnir til bana í Svíþjóð í nótt

Karlmaður á þrítugsaldri hefur verið handtekinn í Svíþjóð grunaður um að hafa skotið tvo til bana í íbúð í fjölbýlishúsi í Hageby-hverfinu í Norrköping í nótt. 

Lögreglunni í Svíþjóð barst tilkynning vegna málsins frá íbúa í nærliggjandi íbúð skömmu eftir miðnætti. Sænski ríkismiðillinn SVT greinir frá. 

Mats Pettersson, fjölmiðlafulltrúi lögreglunnar í Öst, segir þann grunaða hafa verið handtekinn fyrir alvarlegt vopnalagabrot en leggur áherslu á að það geti breyst, enda grunaður um morð. 

Lögreglan er með mikinn viðbúnað á staðnum og hefur afgirt svæði í kringum húsið. Í frétt SVT segir að lögreglan hafi lagt hald á nokkra hluti sem taldir eru mikilvægir fyrir rannsókn málsins. 

• 1 blogg um fréttina

Bloggað um fréttina

• Ingólfur Sigurðsson: Af ávöxtunum skulið þér þekkja góða/vonda fólkið.