Undanfarnar yfirlýsingar Emmanuels Macrons Frakklandsforseta „kynda undir” spennu í Evrópu og sýna að hann er að undirbúa beina þátttöku Frakka að stríðinu í Úkraínu.

Þetta sagði Dmitry Peskvov, talsmaður rússneskra stjórnvalda, í morgun.

Franski leiðtoginn hét því í gær að útvega Úkraínumönnum herþotur af tegundinni Mirage, ásamt því að aðstoða við þjálfun úkraínskra flugmanna.

Emmanuel Macron Frakklandsforseti. AFP/Benoit Tessier

„Macron sýnir algjöran stuðning við stjórnvöld í Kænugarði [höfuðborg Úkraínu] og lýsir því yfir að Frakkar séu tilbúnir til beinnar þátttöku í hernaðarátökunum,” sagði Peskov.

Frétt af mbl.is

Útilokar ekki að senda hermenn til Úkraínu

„Okkur finnst þessar yfirlýsingar vera mjög, mjög ögrandi,  þær kynda undir spennu á meginlandinu og það er ekkert jákvætt eða uppbyggjandi við þær,” bætti hann við á alþjóðlegri efnahagsráðstefnu í rússnesku borginni St. Pétursborg.

Marcon hefur neitað að útiloka að senda herlið til Úkraínu, þrátt fyrir efasemdir annarra NATO-ríkja þess efnis og kröftuga fordæmingu Rússa.

Tengdar fréttir

Úkraína

Fimmtán ára fangelsi fyrir að aðstoða Rússa

• Fagnar sigri Sandu og vill sameinaða Evrópu
• Sigur Trumps neyði Evrópu til að breyta um stefnu
• Standa með Rússum þar til sigur vinnst
• Vísindamaður grunaður um að aðstoða Rússa

» Fleiri tengdar fréttir

• 1 blogg um fréttina

Bloggað um fréttina

• Ingólfur Sigurðsson: Úkraína fyrir sértæka hernaðaríhlutun - sjálfstætt ríki sem vildi ráða …