Hisbollah hótar ESB-ríki

Leiðtogi Hisbollah-samtakanna í Líbanon segir að Kýpur verði hluti af stríðinu fari svo að stríð brjótist út milli Hisbollah og Ísrael.

Hassan Nasrallah hótaði Kýpur í sjónvarpsávarpi í dag. Aðstoði Kýpur Ísrael með því að leyfa þeim að hafa not af flugvöllum, eða útvegi aðra aðstöðu, þá verði Kýpur einnig skotmark. 

Frétt af mbl.is

Ísraelar drápu hershöfðingja Hezbollah

Nýlega hafa yfirvöld í Ísrael gefið í skyn að ófriðurinn milli Hisbollah og Ísrael geti hæglega orðið að viðamiklu stríði. Lengi hefur verið grunnt á því góða milli Líbanon og Ísrael og síðar Hisbollah og Ísrael. Átök milli Hisbollah og Ísrael hafa aukist smám saman frá árásunum á Ísrael þann 7. október. 

Kýpur hefur tekið þátt í heræfingum með Ísraelsmönnum frá árinu 2014 en hingað til hefur Hisbollah ekki hótað Kýpverjum en eyjan er um 200 kílómetra frá Líbanon. 

Kýpur gekk í Evrópusambandið í stóru stækkuninni árið 2004 þegar tíu ríki gengu í ESB. 

• 1 blogg um fréttina

Bloggað um fréttina

• Wilhelm Emilsson: Að vera að vera ekki í NATÓ