Snörp orðaskipti: Biden ekki í parkinsonsmeðferð
Setja bókamerki
Joe Biden Bandaríkjaforseti er ekki í meðferð við parkinsonssjúkdómnum, að sögn talskonu Hvíta hússins.
Fjölmiðlar vestanhafs greindu frá því í dag að á átta mánaða tímabili hefði sérfræðingur í lækningum við parkinson heimsótt Hvíta húsið að minnsta kosti átta sinnum.
Um er að ræða tímabilið frá júlí í fyrra til og með febrúar í ár.
„Skiptir engu hversu pirraður þú verður út í mig“
„Hefur forsetinn verið í meðferð við parkinson? Nei. Er hann í meðferð vegna parkinson? Nei, það er hann ekki. Er hann að taka lyf gegn parkinson? Nei,“ sagði Karine Jean-Pierre, fjölmiðlafulltrúi forsetaembættisins, á blaðamannafundi nú í kvöld að íslenskum tíma.
Til snarpra orðaskipta kom milli blaðamanns og talskonu Bidens á blaðamannafundinum eins og sjá má í myndskeiði hér að neðan.
Sagðist hún ekki myndu staðfesta nöfn á þeim læknum sem hafa hitt Biden. Dagblaðið New York Times fullyrti að læknirinn væri dr. Kevin Cannard, sem hefur unnið með Hvíta húsinu í 12 ár samkvæmt LinkedIn-síðu sinni.
„Það skiptir ekki máli hversu mikið þú þrýstir á mig. Skiptir engu hversu pirraður þú verður út í mig. Ég er ekki að fara að staðfesta neitt nafn,“ sagði Jean-Pierre.
/frimg/1/53/8/1530844.jpg)
Myndir: Náttúrulegur þröskuldur að taka við
/frimg/1/53/8/1530849.jpg)
Fatlaður drengur fær ekki þjónustu í verkfalli
Rússar sagðir útvega N-Kóreu milljón olíutunnur
Nýtt fangelsi í landi Stóra-Hrauns tilbúið 2028
Yfir 300 stæði fóru undir hraun
Þarf að koma til móts við ólíkar þarfir lækna