Nokkr­ir stjórn­mála­menn og fjöl­miðlamenn úr röðum re­públi­kana kenna demó­kröt­um um skotárás­ina sem beind­ist að Don­ald Trump, fyrr­ver­andi Banda­ríkja­for­seta, í Butler í Penn­sylvan­íu í kvöld. Árás­in er rann­sökuð sem bana­til­ræði.

Skot­um var hleypt af á kosn­inga­fundi Don­alds Trumps í Penn­sylv­an­íu í Banda­ríkj­un­um fyrr í kvöld. Trump er heill á húfi en byssukúla fór í gegn um eyra hans.

Tveir eru sagðir látn­ir, meint­ur árás­armaður og einn gest­ur á fund­in­um, sam­kvæmt frétta­fluttn­ingi vest­an­hafs. Auk­in­held­ur eru tveir sagði al­var­lega særðir.

Re­públi­kan­inn J.D. Vance, þingmaður frá Ohio sem er lík­legt vara­for­seta­efni Trumps, tel­ur orðræðu Bidens eiga bein­an þátt í skotárás­inni.

„Meg­in­for­senda Biden-her­ferðar­inn­ar er sú að Don­ald Trump sé harðstjóri og fas­isti sem verði að stöðva hvað sem það kost­ar. Þessi orðræða leiddi beint til bana­til­ræðis að Trumps for­seta,“ skrif­ar Vance á X.

Eyra Don­alds Trumps blæðir. AFP

Hafi gefið fyr­ir­mæl­in

Mike Coll­ins, þingmaður re­públi­kana í Georgíu, kenndi einnig Biden um.

„Joe Biden gaf fyr­ir­mæl­in,“ skrif­ar hann á X og deildi til­vitn­un í Biden. Í sím­tali á dög­un­um sagði Biden: „Ég hef eitt starf og það er að sigra Don­ald Trump. Ég er al­veg viss um að ég er best­ur til þess. Við erum því búin að tala um umræðuna, það er kom­inn tími til að koma Trump í miðju skot­skíf­unn­ar.“

Steve Scalise, full­trúa­deild­arþingmaður re­públi­kana, sem hef­ur sjálf­ur lifað af skotárás, gagn­rýndi leiðtoga Demó­krata­flokks­ins og skrifaði á X að þeir hefðu aukið „múgæs­ing­inn um að sig­ur Don­alds Trumps í end­ur­kjöri yrði enda­lok lýðræðis í Banda­ríkj­un­um“.

Steven Miller, ráðgjafi Trumps, tók und­ir orð Scalise.

Djúpríkið?

Í stærri miðlum lengra til hægri líkj­ast viðhorf­in sam­særis­kenn­ing­um.

Charlie Kirk, stofn­andi Turn­ing Po­int í Banda­ríkj­un­um, held­ur því t.d. fram í beinu streymi að „demó­krat­ar vildu þetta og eru ósátt­ir við að það hafi ekki tek­ist“.

Sam­særis­kenn­inga­smiður­inn Alex Jo­nes kenndi „djúprík­inu“ um.

Tengd­ar frétt­ir

Don­ald Trump Banda­ríkja­for­seti

Selenskí: Krímskag­inn til­heyr­ir Úkraínu

• Saka Rússa um að standa að baki áróðurs­her­ferðar
• Toll­ar skaðað vörumerkið Banda­rík­in
• Seg­ist hafa rætt við Xi Jin­ping um tolla­mál
• Byrjaður að selja „Trump 2028“-varn­ing

» Fleiri tengd­ar frétt­ir

Kosn­ing­ar í Banda­ríkj­un­um 2024

Trump tek­inn við sem for­seti Banda­ríkj­anna

• Beint: Trump sver embættiseið
• Trump sver embættiseið í dag
• Áforma fjölda­hand­tök­ur inn­flytj­enda í næstu viku
• Inn­setn­ing­ar­at­höfn­in færð inn í þing­húsið

» Fleiri tengd­ar frétt­ir

• 2 blogg um frétt­ina

Bloggað um frétt­ina

• Wil­helm Em­ils­son: Orðræða
• Torfi Kristján Stef­áns­son: Biden: Gera Trump að skot­marki