Anne Hidalgo, borgarstjóri Parísar í Frakklandi, efndi loforð sitt og synti í morgun í ánni Signu sem renn­ur í gegn­um borg­ina.

Gerði hún þetta til þess að sýna fram á að áin sé nógu hrein til þess að þar sé hægt að keppa í sundgreinum á Ólympíuleikunum sem verða haldnir í borginni í júlí og ágúst.

Borg­ar­stjórinn vildi tryggja það að sund­menn og þríþrautakapp­ar gætu synt með góðu móti í Signu. Ólymp­íu­leik­arn­ir munu standa frá 26. júlí til 11. ág­úst.

Sund í Signu í dag. AFP

Sund bannað í heila öld

Heil öld er liðin síðan bannað var að synda í Signu, en eitt af markmiðum Ólympíuleikana í ár var að hreinsa upp ána svo hægt yrði að synda og baða sig í henni á nýjan leik. 

1,4 milljörðum evra var veitt í að koma í veg fyrir að skólp læki í ána, en ástand árinnar hefur aðeins nýlega verið talið nógu gott til að hægt sé að synda í henni.

Frétt af mbl.is

Ekkert skólp í Signu vegna Ólympíuleika

Anne Hidalgo að sundi loknu í morgun. AFP/Julien De Rosa

Tífalt magn saurgerla mældist í júní

Hidalgo tilkynnti að hún myndi synda í ánni í júní. Þá skaut upp kollinum myllumerkið #jechiedanslaSeine, eða #égskítíSignu, á samfélagsmiðlum. 

Var þar fólk hvatt til þess að ganga örna sinna ofar í ánni en þar sem Hidalgo ætlaði sér að synda í til þess að sýna fram á óánægju sína með borgarstjórann.

Hidalgo frestaði sundinu í júní en þá mældist tífalt leyfilegt magn saurgerla í ánni.

Emmanuel Macron, forseti Frakklands, hafði einnig lofað að skella sér í sund í Signu fyrir Ólympíuleikana, en hann mætti ekki til þess í dag.

Tengdar fréttir

Ólympíuleikarnir í París

Setti Íslandsmet á Paralympics og undirbýr nú stórtónleika

• Stjarnan ólétt og Þórir vissi ekki neitt
• Missti af jarðarför föður síns
• Vann ólympíugullið ólétt
• Sænsk vonarstjarna í þriggja mánaða bann

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: #jechiedanslaElliðaá ...