Almannavarnir ESB virkjaðar

Evrópusambandið kemur til með að aðstoða grísk stjórnvöld í baráttunni við gróðureldana sem þarlend stjórnvöld heyja þessa dagana.

Slökkvilið frá Ítalíu, Tékklandi, Frakklandi og Rúmeníu munu aðstoða yfirvöld í Grikklandi, sagði Balazs Ujvari, talsmaður Evrópusambandsins, í dag. 

Frétt af mbl.is

Gróðureldar nálgast Aþenu

Hann sagði jafnframt að almannavarnakerfi Evrópusambandsins hefði verið virkjað að beiðni grískra yfirvalda.

Gerald Darmanin, innanríkisráðherra Frakklands, segist ætla að senda 180 slökkviliðsmenn, 55 slökkviliðsbíla og þyrlu til þess að aðstoða grísk stjórnvöld.

Eldarnir færa sig nær Aþenu. AFP

Teygja sig í 25 metra hæð

Fleiri þúsundum manns var gert að yfirgefa heimili sín í að minnsta kosti átta bæjarfélögum í Grikklandi í gær vegna gróðureldanna. Spáð er allt að 39 stiga hita í land­inu dag og að vind­ur verði allt að 14 metr­ar á sek­úndu.

Eldarnir ná yfir 30 kílómetra langt belti og sums staðar teygja eldtungurnar sig í 25 metra hæð. Eldarnir færa sig nær Aþenu að því er gríska fréttastofan ERT greinir frá.

Svæðið umhverfis fjallið Pentelicus við Aþenu stendur nú í ljósum logum, en fjallið er þekkt fyrir marmarann sem var notaður til að reisa Akrópólis og aðrar fornar byggingar í höfuðborginni.

Frétt af mbl.is

Þúsundir yfirgefa heimili sín vegna skógarelda

• 1 blogg um fréttina

Bloggað um fréttina

• Ingólfur Sigurðsson: Kenningar trúaðra rætast, afleiðingar syndanna er svona líf