Trump rýfur þögnina á X
Setja bókamerki
Tengdar fréttir
Donald Trump verðandi Bandaríkjaforseti
Donald Trump, forsetaframbjóðandi repúblikana, birti fyrir skömmu sína fyrstu færslu á X, áður Twitter, síðan 25. ágúst á síðasta ári.
Færslan er rúmlega tveggja mínútna löng kosningaauglýsing og skrifar hann engan texta við færsluna.
Hátt í 70 þúsund manns höfðu líkað við færsluna þegar hún var búin að vera uppi í 15 mínútur.
Ræðir við Musk í beinni í kvöld
Kemur þessi færsla skömmu fyrir samtal sem hann mun eiga við Elon Musk, eiganda X, í kvöld í beinu streymi á X.
Reikningi Trumps á miðlinum var lokað fyrir fullt og allt í kjölfar óeirðanna við Bandaríkjaþing árið 2021.
Trump öðlaðist svo aðgang að reikningi sínum að nýju eftir að Musk keypti miðilinn, en Musk efndi til skoðanakönnunar um áhuga á endurkomu Trumps.
Þrátt fyrir þetta þá hefur Trump notað miðilinn lítið sem ekkert. Birti hann aðeins eina færslu á síðasta ári og var það sakborningsmyndin af honum. Sú færsla var birt 25. ágúst.
Tengdar fréttir
Donald Trump verðandi Bandaríkjaforseti
„Erum í miðri hrinu“: Styttist í Eldvörp
Hótar Bretum og Bandaríkjamönnum
Börn hafi engan rétt á leikskólakennslu
Fullvissa ferðamenn um að hér sé öruggt
Hluti bílastæðis undir hraun: Ómögulegt að meta tjón
Mjög alvarlegt ef Njarðvíkuræð gefur sig
Yfir 300 stæði fóru undir hraun