Netanjahú um SÞ: Fyrirlitlegur farsi
Setja bókamerki
Benjamín Netanjahú, forsætisráðherra Ísraels, segir að Sameinuðu þjóðirnar hafi breyst í „fyrirlitlegan farsa“ og gagnrýnir harðlega þá óréttlætu meðferð sem Ísraelar sæti af hálfu stofnunarinnar.
„Ég segi ykkur að þangað til Ísrael – þangað til ríki gyðinga – er meðhöndlað eins og önnur ríki, þangað til þetta fen gyðingaandúðar þurrkast upp, mun fólk sem hefur sanngirnina að leiðarljósi allsstaðar líta á Sameinuðu þjóðirnar sem ekkert meira en fyrirlitlegan farsa,“ sagði forsætisráðherrann.
Bardagar við Hisbollah halda áfram
Á allsherjarþingi Sameinuðu þjóðanna sagðist Netanjahú ætla að halda áfram bardögum Ísraela við Hisbollah-samtökin í Líbanon. Fyrr í þessari viku lögðu Frakkar og Bandaríkjamenn til 21 dags vopnahlé á svæðinu. Ekki er útlit fyrir að verði af því.
Í ræðu sinni gagnrýndi hann ítrekað Sameinuðu þjóðirnar og sagði þær andsnúnar Ísrael. Einhverjir fulltrúar á þinginu gengu út úr salnum á meðan stuðningsmenn Netanjahús klöppuðu.
„Á sama tíma og Hisbollah velur að feta áfram stríðsbrautina hefur Ísrael engra kosta völ og Ísrael hefur fullan rétt til að fjarlægja þessa ógn og skila borgurum sínum til baka heimilum sínum á öruggan máta,“ bætti hann við.
Drónamyndskeið frá hápunkti gossins í nótt
Líklega komin á seinni hluta hrinunnar í Svartsengi
Litlar líkur á að hraunið nái til mannvirkja
Hraunið við bílastæði Bláa lónsins
„Erum í miðri hrinu“: Styttist í Eldvörp
Virknin dregist saman um 600 metra
Hótar Bretum og Bandaríkjamönnum