Rogan lýsti formlega yfir stuðningi við Trump
Setja bókamerki
Tengdar fréttir
Donald Trump verðandi Bandaríkjaforseti
Bandaríski hlaðvarpsþáttastjórnandinn, Joe Rogan, lýsti formlega yfir stuðningi við Donald Trump, forsetaframbjóðanda Repúblikanaflokksins, í gærkvöldi. Degi fyrir kosningarnar.
Þetta gerði Rogan er hann var að auglýsa nýjasta þátt sinn af hlaðvarpinu, The Joe Rogan Experience, þar sem auðjöfurinn og yfirlýstur stuðningsmaður Trumps, Elon Musk, er gestur.
Musk „færir mest sannfærandi rök sem ég held þú munir heyra fyrir Trump, og ég er sammála honum í hverju skrefi,“ ritaði Rogan á samfélagsmiðlum.
„Svo það sé á hreinu, já, þetta er stuðningsyfirlýsing fyrir Trump.“
Trump brást hratt við og fagnaði stuðningnum á kosningafundi sínum í Pennsylvaníu.
„Hann er ekki manneskja sem lýsir yfir stuðningi við forsetaframbjóðendur, en hann gerði það. Svo ég vil þakka Joe Rogan. Þetta er frábært,“ sagði Trump.
/frimg/1/52/68/1526898.jpg)
Harris vildi koma í hlaðvarpið
Í október kom út þriggja klukkustunda langur viðtalsþáttur við Trump sjálfan.
Teymi Harris er sagt hafa átt í viðræðum við Rogan á síðustu vikum um að koma í hlaðvarpið en ekkert varð af því.
Tugir milljóna manna hlusta á Rogan og er stór hópur þeirra ungir karlmenn.
Kannanir benda til þess að Trump sé með mikinn stuðning meðal ungra karlmanna en aftur á móti eru þeir ekki jafn líklegir og aðrir hópar til þess að mæta á kjörstað.
Tengdar fréttir
Donald Trump verðandi Bandaríkjaforseti
„Við bara reynum að þrýsta þessu fram“
Veltir því fyrir sér hvaða Samfylking verði á þingi
Esja lendir á Keflavíkurflugvelli
„Það vantar bara brjóstin og gleraugun á Loga“
Halla hyggst tilkynna um umboð í dag
Kristrún komin með umboð
Fjögur umferðarslys: Glerhálka á Strandarheiði
