Önnur umræða um ESB á morgun

Tillaga um aðildarumsókn Íslands að Evrópusambandinu var samþykkt til annarrar umræðu í þinginu af meirihluta utanríkismálanefndar í dag. Breyting var gerð á tillögunni þess efnis ríkisstjórnin skuli „fylgja þeim sjónarmiðum um verklag og meginhagsmuni sem fram koma í áliti meiri hluta utanríkismálanefndar.“

Hagsmunir þessir eru útskýrðir í tillögugreininni og hnykkt á þeim. Helst eiga þeir við um sjávarauðlindir og landbúnað, auk annarra atriða.

Álitinu var dreift á Alþingi í dag og mun málið koma til annarrar umræðu á morgun. Atkvæðagreiðsla fer þá að öllum líkindum fram á mánudag.

Gangi tillagan í gegn mun þá Alþingi fela ríkisstjórninni að leggja inn umsókn um aðild Íslands að ESB og að loknum viðræðum við sambandið verði haldin þjóðaratkvæðagreiðsla um væntanlegan aðildarsamning.

Haft var eftir Össuri Skarphéðinssyni utanríkisráðherra í fréttum Stöðvar 2 að hann vonaðist til að hægt væri að leggja umsókn inn til Evrópusambandsins fyrir lok næstu viku.

• 10 blogg um fréttina

Bloggað um fréttina

• Páll Vilhjálmsson: Vinstri grænir dauðanum merktir
• Rafn Gíslason: VG og frumvarp um ESB aðild.
• Erla Einarsdóttir: Endilega...látum valta yfir okkur með Icesave..og gefum þeim svo restina …
• Guðmundur Jónas Kristjánsson: Fella ber tillöguna um umsókn að ESB UMSVÍFALAUST!!!!!!!!!!
• Óðinn Þórisson: Þetta er nokkuð skýrt
• Ingimundur Bergmann: Framtíðin
• Jón Arnar: Við hvaða krónutölu skyldu fátæktarmörkin leggjast hjá ykkur?
• Benedikta E: Það er runnið stríðsæði á Össur og ríkisstjórnina - gegn …
• Magnús Helgi Björgvinsson: Jæja styttist í stærsta skerf okkar í átt til breytinga …
• Guðrún María Óskarsdóttir.: Sögulegt pólítiskt meðvitundarleysi gagnvart þjóðarhagsmunum.