ESB-umræða heldur áfram á Alþingi

Þingfundur hefst á Alþingi klukkan 10:30 og verður þá fram haldið síðari umræðu um þingsályktunartillögu stjórnarflokkanna um ESB-aðild. Síðari umræða hófst um hádegi í gær en þingfundi var frestað laust fyrir miðnætti.

Ræðutími var tvöfaldaður að ósk fjölmargra þingmanna. Enn eru 24 þingmenn á mælendaskrá og má hver um sig má tala í 40 mínútur í senn. Einn þingmaður hefur sett sig á mælendaskrá í annað sinn við umræðuna og má tala í 20 mínútur. Nýti allir ræðutímann til fulls eru því a.m.k. 16 klukkustundir eftir af umræðunni, fyrir utan andsvör og svör við andsvörum.

Engu að síður er vonast til að atkvæði verði greidd um tillöguna á mánudag. Samfylkingin leggur mikla áherslu á að umsókn um aðildarviðræður við Evrópusambandið verði send til Brussel innan tveggja vikna eða fyrir 27. júlí, en þá hefst fundur utanríkisráðherra aðildarríkja ESB.

• 8 blogg um fréttina

Bloggað um fréttina

• Heimir Lárusson Fjeldsted: Steingrímur J. Sigfússon er tilbúinn að greiða 1-2 milljarða króna …
• Sif Jónsdóttir: ESB vs Icesave
• Óðinn Þórisson: Þetta er ótrúlegt
• Magnús Helgi Björgvinsson: Smá röksemdarvilla í tillögum Sjálfstæðismanna um 2 falda Þjóðaratkvæðagreiðslu
• Guðmundur Óli Scheving: Tvöföld atkvæðagreiðsla til ESB er lýðræði !
• Sigurður Jónsson: Ætlar hluti þingflokks Framsóknar og Vinstri grænna að færa okkur …
• Guðmundur Jónas Kristjánsson: Siv og Guðm.Steingríms á móti eigin flokkssamþykktum.
• Geir Ágústsson: Áhersla á hraða umræðu?