Þingmenn taka þátt í aðalfundi ESB andstæðinga í Noregi
Setja bókamerki
Í morgun fór sendinefnd níu Íslendinga til Noregs til að taka þátt í aðalfundi Nei til EU í Noregi, en það eru systursamtök Heimssýnar á Íslandi. Í sendinefndinni eru m.a. þrír þingmenn frá jafn mörgum flokkum.
Í fréttatilkynningu frá Heimssýn kemur fram að heimsókn Íslendinganna hefur vakið mikla fjölmiðlaathygli í Noregi og Ásmundur Einar Daðason, nýkjörinn formaður Heimssýnar m.a. verið í sjónvarps- og útvarpsviðtölum hjá norska sjónvarpinu og víðar.
Ísland er eitt meginþema aðalfundarins, sem haldinn er á Gardemoen, að þessu sinni og halda íslensku fulltrúarnir nokkrar ræður og taka þátt í málstofum um Ísland.
Á mánudag munu fulltrúar Heimssýnar funda með Nei til EU á skrifstofu
samtakanna í Ósló og með systurflokkum Framsóknarflokks, Sjálfstæðisflokks
og Vinstri grænna, samkvæmt tilkynningu.
Í sendinefndinni eru:
Ásmundur Einar Daðason alþingismaður
Vigdís Hausdóttir alþingismaður
Unnur Brá Konráðsdóttir alþingismaður
Kolbrún Halldórsdóttir fv. umhverfisráðherra
Reynir Jóhannesson starfsmaður Heimssýnar og félagi í SUS
Páll Vilhjálmsson blaðamaður
Ragnar Friðrik Ólafsson sálfræðingur
Guðjón Ebbi Guðjónsson frá ungum framsóknarmönnum
Brynja Björg Halldórsdóttir fv. formaður Ungra vinstri grænna
