Sjálfstæðismenn ræða Evrópumál

Aukalandsfundur Sjálfstæðisflokksins, sem haldinn verður um næstu helgi, mun taka afstöðu til þess hvort flokkurinn leggi til að aðildarumsókn að Evrópusambandinu verði dregin til baka, samkvæmt heimildum Fréttablaðsins. Allar líkur eru á að slík tillaga verði samþykkt.

Unnur Brá Konráðsdóttir, þingmaður flokksins, hefur talað fyrir því að það verði gert. Hún segist ekki munu leggja slíka tillögu fram á fundinum, en gerir ráð fyrir að aðrir muni gera það.

Ljóst er að stefnubreytingu þarf í Evrópumálum, því núverandi stefna flokksins gerir ráð fyrir tvöfaldri þjóðaratkvæðagreiðslu. Af henni varð ekki, umsókn liggur fyrir og samþykki fyrir viðræðum af hálfu sambandsins, að því er fram kemur í Fréttablaðinu í dag.

• 5 blogg um fréttina

Bloggað um fréttina

• Páll Vilhjálmsson: Samfylkingarvæðingu Sjálfstæðisflokks ljúki
• Sigurður Jónsson: Já eða nei fylkingar í ESB. Ekki flokkapólitík.
• Ívar Pálsson: Dagar hinna skýru svara
• Halldór Halldórsson: Forystan endurspegli breytingarnar!
• Óðinn Þórisson: Skýr skilaboð frá landsfundi Sjálfstæðisflokksins varðandi ESB